NO |
|
|
|
بغداد بتصرخ .. ونحن نصرخ بحبها... وعزها .. قالو لي بتحب مصر ؟ ... فقلت مش عارف / نقلا عن جريدة العربي بتاريخ 6/4/2003 العدد 853
قالو لي بتحب مصر ؟ ... فقلت مش عارف |
|
قالو لي بتحب مصر فقلت مش عارف المعني كعبة و أنا بوفد الحروف طايف وألف مغزل قصائد في الإيدين لافف قالو لي بتحب مصر فقلت مش عارف أنا لما أشوف مصرع الصفحة بكون خايف ما يجيش في بالي هرم ما يجيش في بالي نيل ما يجيش في بالي غيطان و خضرا و شمس أصيل. ولا جزوع فلاحين لو يعدلوها تميل حكم الليالي ياخدهم في الحصاد محاصيل و يلبسوهم فراعنة ساعة التمثيل و ساعة الجد فيه سخرة و إسماعيل مايجيش في بالي عرابي ونظرته في الخيل وسعد باشا و فريد و بقية التماثيل ولا أم كلثوم في خمسانها ولا المنديل الصبح في التاكسي صوتها مبوظة التسجيل ما يجيش في بالي العبور و سقارة إسرائيل ولا الحضارة اللي واجعة دماغنا جيل ورا جيل قالو لي بتحب مصر أخدني صمت طويل وجت في بالي ابتسامة و انتهت بعويل قالو لي بتحب مصر فقلت مش عارف لكني عارف بإني ابن رضوي عاشور أمي اللي حملها ما ينحسب بشهور الحب في قلبها و الحرب خيط مضفور تصبر علي الشمس تبرد و النجوم تدفي ولو تسابق زمنها تسبقه و يحفي تكتب في كار الأمومة م الكتب ألفين طفلة تحمي الغزالة و تطعم العصفور وتذنب الدهر ولو يغـلط بنظرة عين وبنظرة أو طبطبة ترضي عليه فيدور وأمي حافظة شوارع مصر بالسنتي تقول لمصر يا حاجة ترد يا بنتي تقولها إحكي لي فتقولي أبداي إنتي وأمي حافظة السير أصل السير كارها تكتب بحبر الليالي تقوم تنورها وتقول يا حاجة إذا ما فرحتني و حزنتي وفين ما كنت أسجل ما أري للناس تفضل رسايل غرام للي يقدرها أمي و أبويا ألتقوا و الحر للحرة شاعر من الضفة برغوثي و اسمه مريد قالوا لها ده أجنبي ، ما يجوزش بالمرة قالت لهم يا العبيد اللي ملوكها عبيد من إمتي كانت رام الله من بلاد برة يا ناس يا أهل البلد شارياه و شاريني من يعترض ع المحبة لما ربي يريد كان الجواب أن واحد سافر إسرائيل وأنا أبويا قالوله يللا ع الترحي دلوقت جه دروي لأجل بلادي تنفيني وتشيب أمي في عشرينها و عشريني يا أهل مصر قولو لي بس كام مرة ها تعاقبوها علي حب الفلسطيني قالو لي بتحب مصر فقلت مش عارف
تميم البرغوثي
عمان 1/4/2003 |
| من نحن |
| أخبار تانية |
| مقالات ودراسات |
| اختيارات |
| ثقافة |
| حوارات وندوات |
| مناوشات |
| كورة |
| من زمان |
| مواقع اخرى |
|
اكتب إلى
ksrgany@lamalef.netwaked@lamalef.net gamal@lamalef.net |
|
لام ألف . نت © 2002-2003
موقع يسعى لطرح رؤى بديلة و.. المسكوت عنه |